Plantun de Prouvènço

Pèr coumpara dos planto d'encò nostre

Polygonatum verticillatum & Panicum barbipulvinatum

Polygonatum verticillatum

Asparagaceae Convallariaceae

Noms en français : Sceau-de-Salomon à feuilles verticillées, Sceau-de-Salomon verticillé.

Descripcioun :
L'erbo-de-la-roumpeduro-verticillado es uno planto que trachis dins li faio e lis avelanedo de mountagno. A un gros rizoumo d'ounte parton proun de racino. Li fueio soun estrecho e longo, alor que li flour soun groupado i verticillo. Fai de fru vióulet un cop madur.

Usanço :
Couneissèn pas d'usanço medicalo pèr aquelo planto. Bessai que soun li meme qu'aquéli de l'erbo-de-la-roumpeduro. Li fueio soun manjado coume de liume is Indo.

Port : Erbo
Taio : 30 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Polygonatum
Famiho : Asparagaceae
Famiho classico : Convallariaceae

Ordre : Aspargales

Coulour de la flour : Blanco
Petalo : 6
Ø (o loungour) flour : 6 à 8 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Faio - Avelanedo - Champino à rousage
Estànci : Mountagnard à Subaupen
Couroulougi : Éurasiatico
Ref. sc. : Polygonatum verticillatum (L.) All., 1785

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.